اخبار الفن

محسن محيي الدين عن علاقته بالنجمة داليدا: “كانت مصرية خالصة



08:47 م


الثلاثاء 02 يوليه 2024

كتب- مروان الطيب:

حل الفنان محسن محيي الدين ضيفًا على برنامج “واحد من الناس” تقديم الإعلامي عمرو الليثي ويعرض على قناة “الحياة”.

وتطرق محسن محيي الدين خلال حديثه عن علاقته بالفنانة الراحلة داليدا ومشاركته لها بطولة فيلم “اليوم السادس”

وعن العلاقة التي جمعته بالفنانة الراحلة داليدا بكواليس فيلم “اليوم السادس” قال: “أنا اتعرفت على داليدا من أيام إسكندرية ليه؟ ووداعًا يا بونابرت، لأن هي كانت صاحبة يوسف شاهين جدًا، وكان لما بنروح مهرجانات كانوا يتقابلوا مع بعض وأنا ببقى معاهم، وفي مرة عزمتني في بيتها وقعدنا نرقص مع بعض قبل ما نعمل اليوم السادس”.

واستكمل: “وبعدين لما جينا نعمل اليوم السادس دربوها على اللغة العربية وهي كانت ست جميلة خالص متحسش بعقد بتاعة إنها نجمة وإنها لازم تبقى من كوكب تاني بالعكس كانت بسيطة جدًا وحبوبة جدًا وكل الناس بتحبها وماكنتش حاسة إنها نجمة حتى كمان تأثرت أوي لما جت مصر وكانت بتاكل فول وطعمية الحاجات بتاعتنا دي والبامية”.

وأنهى حديثه قائلا: “هي كانت حاسة إنها مصرية خالصة، حتى لما كان فيه افتتاح الفيلم في شبرا كان يوسف شاهين عاملنا عربية مكشوفة وزفة وعدى تحت بيتها اللي كان في شبرا وقتها وكانت الناس بتتهافت عليها والجاردات كانوا بيحاولوا يبعدوهم عنها وهي كانت بترفض وكانت حابة ان الناس تبقى حواليها وبتحاول تحتضنهم فكانت بني ادمة جميلة خالص”.

اقرأ أيضا:

الموسيقيين تكشف لمصراوي تفاصيل تواجد صاحب واقعة الصفع من عمرو دياب بالنقابة

تامر حسني يعلق على الفيديو المثير للجدل مع العروس التونسية: “بتسمعني من صغرها”





المصدر